Pidato Adat "Marapulai" Nagari Cupak

kalian semua pasti bertanya apa sih gunanya belajar pidato adat ini sobagi yg luar minang emang ga penting sih.... tapi bagi yg berdarah minang wajib mempelajarinya apa lagi bgi lo yg cowok ntr kalau lo dah nikah pasti lo harus belajar ini soa di ming agama dan adat itu harus sejalan makanya wajib mempelajarinya

Pangka : Manolah baliau Datuek ………….

Nan ka dipulangkan ka bakeh Datuek, pendeknyo Datuek, kapendeknyo tidak toh kasambah-manyambah bana dengan Datuek, karano diambo tidak pasa bak jalan dan tidak lanca bak kaji, tidak baririk bak karangan, tidak batambo bak mansiang, tidak barajang bak anak catue, baa-toh diambo kato bana nan kadibanakan bakeh Datuek. Nan ka ambo banakan bakeh Datuek, iyo juo basuo nan bak pituah Datuek, “Pinang sarumpun jo karambie, tumbueh di leriang kurai taji, lah tibo carano di hadapan Datuek, kok kurang sadah jo timbakau sambah jo simpueh manjalang, kok timbakau mintak barokok, kok sirieh minta bakapue, sambah pulang bakeh Datuek.

Ujuang : Manolah baliau Datuek ………………..

Alah kato Datuek tadi, iyolah tibo carano di hadapan ambo, kok timbakau mintak barokok, kok sirieh mintak bakapue , kan baitu bana kato Datek ………., tidak toh timbakau ka kami rokok, sirieh ka kami kapue komah Datuek.

Pangka : Dang kato timbakau lah barokok, sirieh lah bakapue, tantangan dunsanak Datuek, malan Datuek,
nan sakabek arek , nan salangkah capek, sadanciang nan bak basi, saciok nan bak ayam, nan pai satampueh pulang sabondong, nan turun dari tanggo tadi, nan di lapeh niniek jo mamak, nan naiek karumah tanggo nangko, kok adoh nan singgah di balai, digalanggang, atau di pangai madarasah, kok jaueh nak kami japuik, kok ampiang nak kami jalang Datuek.

Ujuang : Tantangan dunsanak sudaro kami, jaueh indak ado ka dijalang, ampiang tidak nan ka dijapuik, baatoh saganok nan tarupo sajo nyo Datuek.

Pangka : Manolah baliau Datuek………nan kadipulangkan juo ka bakeh Datuek , pendek kato Datuek, alah
kapendeknyo karano hari lah laruik malam silang bapangka nanlah angko sadio, lah patuik kolah si rajo janang disurueh tagak Datuek ?

Ujuang : Sapanjang panitahan Datuek tadi, kito nan duduek, wakatu bajalan juo komah Datuek, jang kapalang _____ tantang itulah Datuek.

Pangka: Manolah baliau Datuek ……., nan kadipulangkan kapado Datuek, iyolah basuo nan bak pituah Datuek:

Barabah di kandang banyak
Makan barulang ka subarang
Sambah taseba ka nan banyak
Pulang kapado Dt surang.
Sairiang balam jo barabah
Singgah manyasok bungo padi
Sairiang salam jo sambah
Sambah lalu salam kumbali

Manuek ka anjuang perak, kalua kabiliek sitindieh mambalintang, maambek kabiliek dalam, bararak cawan jo piriang, baselang cawan jo jamba, bararak cawan jo piriang, manumpuek kamandapoan, kamumu batang baserak, ureknyo lalu ka batipueh, giriang-giriang ateh pamatang Datuek kito sara ____ sudah taselo tuang sagalo alim sudah tasimpueh diateh lapiek nan takambang.

Liga didik nak urang padang , sabuah kayu nan runduek, Lansano didalam padi, lapiek takambang alek datang, basa batuah nan lah duduek, suko lanjano ati kami.
____disinan minta ampun juo lah ambo di Datuek, dek tuan sagalo alim, kulik mayie diateh kajang, salodang di ateh atok, rang padang pulang balayie, bak umpa nan pulang dari rimbo, sinan sitindieh paradokan, labu aie sudah tarenang, pandangan sudah taratok, jaweklah aie, rasaki nak mintak batarimo, tapi sungguehpun baitu bapandangan juo maolah Datuek, layangkanlah pandang nan jaueh, tukiekkanlah pandang nan ampiang, enggokanlah kiri jo kanan kok kurang nak kami tukuek, kok sentiang nak kami bilai, kok umpang nak kami sisiek sarago janang lai tagak juo kamah Datuek.

Ujuang : Indak doh lah ambo layangkan pandang nan jaueh, lah ambo tukiekkan pandang nan ampiang lah ambo ambiek pulo jo paiyoan jo Datuek kito nan sambie ka ujuang, alah pitua dari baliau. Lah data bak lantai papan, lah licin bak dindiang kulik, lah tarang bak dindiang camin, senteang tak raso ka babilai, kurang tak raso kabatukuek, tapi kan iyo nan bak pitua Datuek :

Mamutieh bungo dalam kabun
Satangkai sajo bao pulang
Habih rampak kasadonyo
Nasi putieh pinggan ba sabun
Balun di suok lah taraso
Di asoknyo sajo kami lah kanyang komah Datuek
Pangka : Situek namo kulindan
Basah banamo banang putieh
Kasumue lalu dirantangkan
Bia sasuok Datuek makan
Asa banamo banang putieh
Sataun lamo dikanyangkan komah Datuek

Ujuang : Kok iyo kami kapakan

Manolah baju lakan kami
Ditanun nak urang lumpo
Dibao nak urang bangkaulu
Kok iyo kami ka makan
Baatoh laku makan kami
Dilamo kami lah lupo
Di banyak kami lah ragu komah Datuek
 

Pangka : Koknyo bajulakan Datuek

Talatak di ateh banta
Di tanun nak urang lumpo
Baju panjanang ka kapakan

Kok iyo laku makan Dt

Barampek Dt sajamba

Baitu jou nan biaso, baitu pasan sipangkalan Dt.

Ujuang : Anak sapek tabang ka banda

Kaladi bapaga nibuang

Mati baparang ramo-ramo

Kok barampek kami sajamba

Baatoh banyak piriang ka ujuang

Lah ragu kami manarimo komah Dt

Pangka : Kaladi bapaga nibuang

Mati parang sari ramo

Kok banyak bana piriang ka ujuang

Mujue lah Dt manarimo

Ujuang : Sikujue di dalam rimbo

Manotoh rotan nan tagueh

Nak mujue kami manarimo

Manotoh mundan aie basueh

Pangka : Koknyo rotan nan tagueh

Tanah nan liek baju like

Talatak di tapi banda

Jokohnyo mundan jo kabasueh

Satahun lamo tak baliek

Satapak haram carai tangga

Alah talatak samo jo jamba

Ujuang : Anak pulai mati di ulu

Mati disarang ramo-ramo

Pamulailah di Dt dahulu

Nak kami iriangkan basamo-samo

Ujuang : Manolah baliau Dt……..

Pangka : Lalukanlah Dt

Ujuang : Nan ka dipulangkan bakeh Dt , iyo juo nan bak pitua urang tuo kito

Anak urang di Padang panjang

Badeta biludu hitam

Ngin tadueh galombang tanang

Lah managun kapa di labuhan, pitua kadibarinyo Dt

Pangka ; Kain banamo suto poan

Ditanun nak urang pariaman

Dibao urang ka kurai taji

Jo kok managun kapa di labuhan

Saueh jatueh layie turunkan

Kipehlah arak juru mudi , baitu juo salamonyo komah Dt

Ujuang : Lah balalukan sajo komah Dt

Pangka : Baa toh kami sambie kaniak manjalang palabuan baru Dt

Ujuang : Manolah baliau Dt………….

Pangka : Lalukan molah Dt

Ujuang : Nan kadipulangkan ka bakeh Dt, pendeknyo Dt kapendeknyo,

Kan iyolah salawik salamo nangko
Kuak padang nan batantangan
Bue tali nan batujuan
Ula miang nan batumbukan
Kayu gadang nan batantangan
Nan salamo awan putieh
Nan salamo gagak hitam
Nan salamo aie ilie
Kilie ka pulau punjuang
Simantuik manjalin tangkai
Warih nan kito jujuang
Pusako nan kito pakai
Sako niniek tareh mambangun
Nan tidak ubah,nan tidak layue dianjak
Nan tidak mati dibubuik
Tatilantang barisi aie
Tatilungkuik barisi tanah
Nan satitiek tiado hilang
Nan sabarih tiado lupo

Suratan samo dibaco, tasabieh samo dibilang, tanawin barih di ateh,sulueh badarang dalam adek, pakaian kito di nagari, nan asa di dalam kitabullah ,itulah pakaian sagalo angku Dt sagalo pangulu nan kito pailie pamudiekkan nan kito pasaluek pajumpakan nan bagoti tinggi jo randah, coriang barih tuangan bungka ,tanah limbago niniek kito, pusako nan dari nabi Adam ulayek katamanggungan, daulat nan dari pagaruyuang , tiruan kubuang tigo baleh pakaian alam Minang kabau dibilai kato sadikik gurindam adek niniek mamak:

Ampang limo nak rang Padang
Sigudidik rang saniang baka
Badakak marapek biduek
Balabueh kapa kualonyo
Dielok rupo lah samo kito pandang
Dielok buni lah samo kito danga
Tantangan alek nangko komah Dt
Kasumbo bao baranang
Pacah-balah muatan biduek
Balabueh tantang kualonyo
Kok makan lah angko kanyang
Kok minum lah angko sajuek
Titah dilah kami jujuang pulo
Kamumu batang bajelo
Ureknyo lalu ka batipueh
Giriang-giriang ateh pamatang
Dt kito sagalo pangulu lah nak maurak selo
Tuan sagalo alim nak maurak simpueh
Kami nan rapek nak mairiangkan di balakang komah Dt

Pangka : Sabarih panitahan Dt tadi nak ambo bao jo parundingan jo niniek mamak kami nan
sambie kapangka nak sapatah kami bapambarinyo Dt.

Ujuang : Basabanyo Dt
Pangka : Sabarih panitahan Dt tadi iyo lah ambo paiyo patidokan jo niniek mamak kami nan
sambi ka pangka lah balapeh sajo Dt jo muko nan janieh jo ati nan suci nyo Dt